COUSAS DE PEIXIÑOS

Ola, peixiños! Unha semana máis aquí están os traballiños que nos chegaron ao blog.
Roberto, da clase dos lobiños, estivo moi entretido traballando as series que propuxo a profe Regina. Moi ben, Roberto!

Eila participou no reto do autorretrato, seguiu a proposta da súa profe e fixo unha morea de cariñas. Fantástico, Eila!

Héctor gozou moito de todas as actividades, especialmente a de facer caras, e fixo unha igual ao seu avó Luis, con lentes e todo. Xenial, Héctor.

Alejandra e Valentina cantaron co coelliño branco, seguiron as actividades de lóxica e practicaron as froitas en inglés. Traballaron tanto que papá e mamá regaláronlles cadansúa pizarra. Que sorte!

Parabéns a todos os peixiños polo seu traballo e feliz Día das Letras Galegas a todas as familias.