ADIVIÑAS E MÁIS

Ola, peixiños, escoitade ben á profe Rosa que quere contarvos algo. Adiviña cal será esa cousa cousiña.

               

Hoxe, en martes coas mates, tráiovos unha actividade para aprender formas e cores; coa axuda dos maiores da casa podemos facer este xogo, só precisamos unha caixa de cartón, cartolina ou goma eva e depresores de cores (podémolos pintar se os temos en cor natural).

Familias, con este xogo, ademais de identificar formas e cores, desenvolvemos a motricidade fina indispensable para actividades de escrita. Tamén podemos empregar os depresores de cores para facer series seguindo un criterio de forma ou de cor; por exemplo: círculo/cadrado ou amarelo/azul.

E o reto matemático desta semana é...

Agardamos as vosas respostas, peixiños.