IMOS AO MERCADO

 O alumnado de 6º de E. Infantil visitou a praza de abastos de Vilagarcía no marco do proxecto: "Viaxando pola contorna". Fixemos algunhas compras e viaxamos no tren turístico percorrendo distintas rúas da nosa vila. Pasámolo xenial.

DÍA DO LIBRO

Celebramos o Día do Libro con apadriñamentos lectores entre o alumnado do cole. Grazas aos nosos padriños.

VIAXAMOS POLA CONTORNA CON PANCHO E FLORA

 Os peques de 5º de Educación Infantil xunto coa súa mestra, María, desenvolveron este trimestre un fantástico proxecto arredor do PDI: Viaxando pola contorna. Velaquí tedes todo o que aprenderon. Bo traballo, rapaces.

AS VIAXES DE PAPÁ

 Hoxe tivemos a visita de Pablo, o papá de Manu. Contounos moitas cousas relacionadas co seu traballo. Así soubemos que hai barcos moi grandes que navegan por augas xeadas, países onde vai moito frío e case sempre é noite, animais capaces de vivir en lugares tan fríos como as morsas e os osos. 

E tamén nos trouxo billetes doutros países entre os que aparecía unha raíña ben coñecida, Isabel de Inglaterra. Fixémoslle moitas preguntas e respondeunas todas.

Moitas grazas pola visita, Pablo.

A VISITA DE ÓSCAR

Co gallo da celebración do Día Mundial da Síndrome de Down recibimos a visita de Óscar e Sandra da Asociación Down Pontevedra "Xuntos". Léronnos tres contos: Elmer, Por cuatro esquinitas de nada e El paraguas de cebra. Ademais, aprendimos que todos somos diferentes e ao mesmo tempo iguais.

Ao final da sesión tivemos unha sorpresa: apareceu dona cebra co seu paraugas de cores e fixemos unha foto con ela. 

Grazas, Óscar, Sandra e dona cebra pola visita. 

UNHA MAMÁ MARISCADORA

 O xoves tivemos a sorte de contar na aula cunha auténtica mariscadora que respondeu ás nosas preguntas sobre o seu traballo. Contounos que recolle ameixas e berberechos que despois levan á lonxa para vender. Pasa moitas horas remexendo na area na procura de moluscos. A maioría das mariscadoras son mulleres coma ela pero cada vez hai máis homes. Falounos da importancia de non botar lixo ao mar para que os animais poidan respirar e non morran. E. sobre todo, do moito que lle gusta o seu traballo por estar ao aire libre nun sitio tan bonito como Carril. 

Grazas pola visita, Agar.

ENTROIDO